جرائم و حادثات
کردار پرشبہ، شوہر نے بیوی کا قتل کردیا
یہ جوڑاکرائے کے مکان میں مقیم تھا۔کل شب دونوں میں اسی مسئلہ پرجھگڑا ہوا جس پر برہمی کے عالم میں کارتک نے اپنی بیوی ارونا کا گلا گھونٹ دیا اور پھر کیڑے ماردواپی کرخودکشی کی کوشش کی۔
حیدرآباد: بیوی کے کردار پرشبہ کرتے ہوئے شوہر نے بیوی کا قتل کردیا اوربعد ازاں کیڑے ماردواپی کرخودکشی کی کوشش کی۔یہ واردات آندھراپردیش کے پلناڈوضلع میں پیش آئی۔
ذرائع کے مطابق بھیماورم گاوں سے تعلق رکھنے والے کارتک کی شادی ستن پلی ٹاون کی رنگاکالونی کی رہنے والی 18سالہ ارونا سے ہوئی تھی۔شادی کے بعد سے ہی وہ اپنی بیوی کے کردار پرشبہ کیاکرتا تھا۔اس مسئلہ پر دونوں میں اکثر جھگڑے ہوا کرتے تھے۔
یہ جوڑاکرائے کے مکان میں مقیم تھا۔کل شب دونوں میں اسی مسئلہ پرجھگڑا ہوا جس پر برہمی کے عالم میں کارتک نے اپنی بیوی ارونا کا گلا گھونٹ دیا اور پھر کیڑے ماردواپی کرخودکشی کی کوشش کی۔
مقامی افراد کی اطلاع پر پولیس وہاں پہنچی جوکارتک کو قریبی اسپتال لے گئی۔اس کو بہتر علاج کے لئے گنٹور کے سرکاری اسپتال منتقل کردیاگیا۔کارتک کی حالت مستحکم بتائی جاتی ہے۔
ہمیں فالو کریں
