حیدرآباد

حکومت رعیتوبندھو اسکیم کے بقایا جات کی رقم کسانوں کے بینک کھاتوں میں جمع کردی جائے گی:ریونت ریڈی

ریونت ریڈی نے کہا کہ اگر وہ اپنی یقین دہانی پر عمل کرنے میں ناکام رہیں تو وہ فرش پر اپنی ناک رگڑنے کے لئے تیار رہیں۔ انہوں نے چندرشیکھر راؤ سے کہا کہ وہ کیا اس پر عمل کیا گیا تو چندر شیکھر راؤ اپنی ناک فرش پر رگڑیں گے۔

حیدرآباد: تلنگانہ کانگریس سربراہ و وزیراعلیٰ ریونت ریڈی نے یقین دہانی کروائی ہے کہ اِس ماہ کی 8 تاریخ تک ریاستی حکومت رعیتو بندھو اسکیم کے بقایا جات کی رقم کسانوں کے بینک کھاتوں میں جمع کروادے گی۔ انہوں نے کہا کہ حکومت 15 اگست تک کسانوں کے 2 لاکھ روپے تک کے قرضہ جات معاف کرے گی۔

متعلقہ خبریں
زمین کے مسائل کا حل اب ایک کلک پر: بھو بھارتی پورٹل کی رونمائی جلد
قبائلی و اقلیتی پسماندگی پر توجہ دینے حکومت کی ضرورت: پروفیسر گھنٹا چکراپانی
ویڈیو: تلنگانہ بھون میں کانگریس اور بی آر ایس کارکنوں میں تصام
بی آر ایس کی رکن قانون ساز کونسل کویتا کی کانگریس حکومت اور چیف منسٹر ریونت ریڈی پر شدید تنقید
آرام گھر فلائی اوور کا چیف منسٹر کے ہاتھوں افتتاح

 انہوں نے بھدرادری کوتہ گوڑم ضلع میں جلسہ عام سے خطاب کرتے ہوئے بی آر ایس سربراہ چندر شیکھرراؤ اور بی آر ایس کے رکن اسمبلی ہریش راؤ کو چیالنج کیا کہ وہ کسانوں کے لئے رعیتو بندھو اسکیم پر عمل آوری پر بحث کے لئے سامنے آئیں۔

 انہوں نے کہا کہ اگر وہ اپنی یقین دہانی پر عمل کرنے میں ناکام رہیں تو وہ فرش پر اپنی ناک رگڑنے کے لئے تیار رہیں۔ انہوں نے چندرشیکھر راؤ سے کہا کہ وہ کیا اس پر عمل کیا گیا تو چندر شیکھر راؤ اپنی ناک فرش پر رگڑیں گے۔

انہوں نے کہا کہ کانگریس حکومت نے 65لاکھ کسانوں کے بینک کھاتوں میں رقم جمع کروائی ہے جبکہ بقیہ 4 لاکھ کسانوں کا احاطہ 8مئی تک کردیا جائے گا۔ انہوں نے سابق وزیر ہریش راؤ کی جانب سے کئے گئے ایک اور چیالنج کا حوالہ دیتے ہوئے اعادہ کیا کہ ان کی حکومت 15 اگست تک کسانوں کے قرضہ جات معاف کرے گی۔