ذات پات کی ہراسانی کی شکایت پر دلت بہن بھائی پر گھر کے اندر درانتیوں سے حملہ

چینائی: ایک دلت طالب ِ علم اور اس کی بہن کو زدوکوب کرنے کے الزامات پر درمیانی فرقہ سے تعلق رکھنے والے 7 طلباء کو گرفتار کرنے کے بعد ٹاملناڈو کے ضلع تیرونیلویلی کے مقام ننگو نیری میں صورتِ حال کشیدہ ہوگئی۔

دلت طلباء کی ماں نے پولیس تحفظ طلب کیا، کیوں کہ اسے درمیانی فرقہ کے ارکان کی جانب سے بڑے حملے کا اندیشہ تھا۔ تیرنیلویلی پولیس انتہائی چوکسی اختیار کرتے ہوئے ضلع میں پولیس تعیناتی میں اضافہ کردیا۔

سال 2021ء میں اضلاع مدورائی اور تیرونیلویلی کے بشمول جنوبی ٹاملناڈو میں دلتوں اور درمیانی فرقہ کے افراد کی ہلاکتیں پیش آئی تھیں۔ یہ ہلاکتیں دونوں طبقات کے مابین سابقہ ہلاکتوں کے ردّ عمل پر ہوئی تھیں۔

دلت بچوں کی ماں نے پولیس سے شکایت کی کہ درمیانی فرقہ کے طلباء اس سے زبردستی پیسے وصول کرتے اور کھانے پینے کی اشیاء حتیٰ کہ تمباکو اشیاء خریدنے زبردستی کرتے تھے۔ دلت طلباء کے خاندان کی شکایت پر اسکول حکام نے درمیانی فرقہ کے طلباء کو ڈانٹ ڈپٹ کی تھی۔

اس پر برہم درمیانی فرقہ کے طلباء دلت طالب ِ علم کے مکان جاکر اس پر بے رحمانہ حملہ کیا۔ مداخلت کرنے پر اس کی بہن کو بھی زدوکوب کیا۔ پولیس نے درمیانی فرقہ کے 7 طلباء کو قانونِ درجِ فہرست اقوام کے بشمول دیگر قوانین کی مختلف دفعات کے تحت حراست میں لیا۔