طارق منصور‘ وائس چانسلر اے ایم یو کے عہدہ سے مستعفی

علی گڑھ: اترپردیش قانون ساز کونسل کا رکن نامزد ہونے کے ایک دن بعد وائس چانسلر علی گڑھ مسلم یونیورسٹی(اے ایم یو) طارق منصور نے منگل کے دن اپنے عہدہ سے استعفیٰ دے دیا۔

پرو وائس چانسلر محمد گلریز‘ طارق منصور کے جانشین کے تقرر تک‘اِنچارج وی سی رہیں گے۔ رجسٹرار اے ایم یو محمد عمران کے جاری کردہ اعلامیہ میں یہ بات بتائی گئی۔

یونیورسٹی طلبا اور اسٹاف کے نام کھلے مکتوب میں طارق منصور نے کہا کہ میں عہدہ چھوڑرہا ہوں‘ وائس چانسلر کی حیثیت سے آپ سے میرا آخری خطاب ہے۔

مجھے اچھے اور برے وقت میں 6 سال تک ادارہ کی خدمت کا موقع ملا۔ گورنر یوپی نے قانون ساز کونسل کی 8مخلوعہ نشستوں کے لئے 6 نامزدگیاں کیں جن میں طارق منصور کا نام شامل ہے۔