تکنیکی خرابی۔ حیدرآباد میٹرو خدمات متاثر

حیدرآباد: حیدرآباد میٹرو ٹرینوں میں تکنیکی خرابی پیدا ہوگئی جس کے نتیجہ میں شہر میں ناگول تا رائے درگم روٹ اور ایل بی نگر تامیاں پور چلنے والی میٹرو ٹرینیں راستہ میں ہی رک گئیں جس پر مسافرین کو مشکلات کا سامنا کرناپڑا۔

میٹرو اتھارٹی نے انکشاف کیا ہے کہ فنی خرابی کی وجہ سے خدمات میں رکاوٹ پیدا ہوئی ہے۔ طویل ویک اینڈ کے بعد پیر کی صبح میٹرو ٹرینوں میں عوام کا ہجوم دیکھاجاتا ہے۔

ایسے وقت میں صبح ٹرین خدمات کے متاثر ہونے پر مسافرین نے فکرمندی کااظہار کیا۔