تلنگانہ:ضلع میدک میں کیلے کے لوڈ سے لدی لاری الٹ گئی

حیدرآباد: تلنگانہ کے ضلع میدک کے توپران میں کیلے کے لوڈ سے لدی لاری الٹ گئی۔

یہ حادثہ آج صبح ضلع کی قومی شاہراہ 44کے قریب اُس وقت پیش آیا جب لاری کے ڈرائیور نے اس کا توازن کھودیا اور یہ لاری الٹ گئی۔

اس حادثہ کے ساتھ ہی بڑے پیمانہ پر ٹریفک جام ہوگئی۔تقریبا ایک کلومیٹر تک گاڑیوں کی آمدورفت متاثر ہوئی۔

اطلاع ملتے ہی پولیس وہاں پہنچی جس نے وہاں سے لاری کو ہٹاتے ہوئے اس روٹ کو ٹریفک کے لئے بحال کیا۔

اس حادثہ میں کسی کی ہلاکت یا پھر کسی کے زخمی ہونے کی کوئی اطلاع نہیں ملی ہے۔