تلنگانہ اسمبلی انتخابات،کانگریس کے بائیں بازو اور بی ایس پی سے اتحاد کی توقع

حیدرآباد: جاریہ سال کے اواخر میں ہونے والے اسمبلی انتخابات کے سلسلہ میں تلنگانہ کانگریس کی جانب سے حکمت عملی میں شدت پیدا کردی گئی ہے۔

کانگریس پارٹی اس مرتبہ بائیں بازو کی جماعتوں کے ساتھ اتحاد کی توقع کررہی ہے۔ ذرائع کے مطابق بی ایس پی کو بھی اس اتحاد میں جگہ دینے کے بارے میں غور کی اطلاع ہے۔

کانگریس پارٹی کی ریاستی قیادت کی جانب سے بائیں بازو کی دو اہم جماعتوں سی پی آئی، سی پی ایم کے ساتھ ساتھ بی ایس پی کے ساتھ اتحاد کے بارے میں بات چیت کی جائے گی۔

سی ایل پی لیڈر بھٹی وکرمارکااس بات چیت کی قیادت کریں گے۔بتایا جاتا ہے کہ کانگریس ہائی کمان نے اس بات چیت کی ذمہ داری بھٹی وکرامارکا کو دی ہے۔

اس ا یکشن پلان کے ساتھ حکمت عملی کو حتمی شکل دینے کی تیاری کی جارہی ہے۔