حیدرآباد

کانگریس، انتقام کی سیاست پر یقین نہیں رکھتی: وزیر سریدھر بابو

سدی پیٹ میں ان کے اعزاز میں منعقدہ تہنیتی تقریب سے خطاب کرتے ہوئے سریدھر بابو نے کہا کہ کانگریس حکومت، ترقی، خوشحالی اور جمہوریت کے احیاء کو اپنی اولین ترجیح دے گی۔

حیدرآباد: ریاستی وزیر انفارمیشن وٹکنالوجی ڈی سریدھر بابو نے آج کہا کہ کانگریس حکومت، بدلہ کی سیاست میں یقین نہیں رکھتی، ہم تمام سیاسی جماعتوں اور قائدین کو ساتھ لے کر ریاست کو مزید ترقیافتہ اور خوشحال بنانے کیلئے کام کریں گے۔

متعلقہ خبریں
ایس ایس سی امتحانات کی تیاری: مفتی ڈاکٹر حافظ صابر پاشاہ قادری کی طلبہ کو اہم ہدایات
پورے شعور کے ساتھ قرآن کے پیغام کو سمجھیں اور اس کی دعوت پر لبیک کہیں: جماعت اسلامی کے جلسہ استقبالِ رمضان
بودھن میں جمعیۃ علماء ہند کی ممبر سازی مہم کا شاندار آغاز
قرآن پاک قیامت کے دن اپنے پڑھنے والوں کی شفاعت کرے گا: مفتی ڈاکٹر صابر پاشاہ قادری
این آئی ٹی ورنگل میں بین الاقوامی یومِ خواتین کا شاندار انعقاد، ڈی آر ڈی او سائنسدان کی خصوصی گفتگو

 سدی پیٹ میں ان کے اعزاز میں منعقدہ تہنیتی تقریب سے خطاب کرتے ہوئے سریدھر بابو نے کہا کہ کانگریس حکومت، ترقی، خوشحالی اور جمہوریت کے احیاء کو اپنی اولین ترجیح دے گی۔ ریاست کو نہ صرف ملک بلکہ عالمی سطح پر ترقی اور خوشحالی کی علامت کے طور پر فروغ دیا جائے گا۔

زراعت، صنعتی شعبہ کو مزید مستحکم کیا جائے گا۔ عوام سے کئے گئے 6 گارنٹیز کے علاوہ منشور میں کئے گئے تمام وعدوں کو پورا کیا جائے گا۔ بے روزگار نوجوانوں کو روزگار سے جوڑنے کے اقدامات کئے جائیں گے۔ مقررہ مدت میں جاب کیلنڈر جاری کرتے ہوئے مخلوعہ جائیدادوں کو پر کیا جائے گا۔ سابق حکومت کے اچھے اقدامات کو مزید بہتر بناتے ہوئے عمل کیا جائے گا۔