چیف منسٹر تلنگانہ دہلی کا دورہ کریں گے
چیف منسٹر کابینہ کی توسیع اور نامزد عہدوں کوپُرکرنے پر تبادلہ خیال کر یں گے تاہم، موسم کو مدنظر رکھتے ہوئے، ان کے دورہ کے بارے میں ابھی تک کوئی وضاحت سامنے نہیں آئی ہے، پارٹی ذرائع نے یہ بات بتائی۔
حیدرآباد: چیف منسٹر اے ریونت ریڈی چہارشنبہ کو نئی دہلی روانہ ہوں گے تاکہ جمعرات کو ہونے والے کانگریس ورکنگ کمیٹی کے اجلاس میں شرکت کر سکیں۔کانگریس کی اعلیٰ قیادت سے ان کی مختلف امورپر تبادلہ خیال کرنے کی توقع ہے، خاص طور پر ہریانہ کے نتائج اور آنے والے مہاراشٹر اور جھارکھنڈ انتخابات کی تیاریوں پر تبادلہ خیال کاامکان ہے۔
چیف منسٹر کابینہ کی توسیع اور نامزد عہدوں کوپُرکرنے پر تبادلہ خیال کر یں گے تاہم، موسم کو مدنظر رکھتے ہوئے، ان کے دورہ کے بارے میں ابھی تک کوئی وضاحت سامنے نہیں آئی ہے، پارٹی ذرائع نے یہ بات بتائی۔کابینہ کی توسیع کافی عرصے سے التوا کا شکار ہے اور کابینہ میں جگہ پانے کی امید رکھنے والوں میں بے چینی پائی جا رہی ہے۔
کابینہ کی توسیع ہریانہ انتخابات سے پہلے مکمل کی جانی تھی لیکن اعلیٰ قیادت نے انتخابات کے بعد اس مسئلے پر غور کرنے کو ترجیح دی۔
یہ بات چیف منسٹر کو اس وقت بتائی گئی تھی جب وہ یکم اکتوبر کو نئی دہلی گئے تھے اور انہوں نے اے آئی سی سی سربراہ کھرگے اورجنرل سکریٹری کے سی وینوگوپال سے ملاقات کی تھی۔ اپنے گزشتہ دو دوروں کے دوران وزیر اعلیٰ گاندھی خاندان سے ملاقات نہیں کر سکے۔
