تلنگانہ کانگریس کی تادیبی کمیٹی کا اجلاس،کونڈامرلی برہم

حیدرآباد: حیدرآباد میں تلنگانہ کانگریس کے ہیڈکوارٹرس گاندھی بھون میں پارٹی کی تادیبی کمیٹی کے اجلاس کے موقع پر پارٹی لیڈرکونڈامرلی نے برہمی کااظہار کیا۔کونڈامرلی، ریاستی وزیر کونڈاسریکھا کے شوہر ہیں۔

یہ اجلاس تادبیی کمیٹی کے صدرنشین ملو روی کی صدارت میں ہوا۔ کونڈا مرلی گاندھی بھون پہنچے۔ کونڈا مرلی نے برہمی کا اظہار کرتے ہوئے کہا کہ کمیٹی سے پہلے ہی وہ یہاں آ گیے ہیں۔ "

ورنگل ضلع میں کونڈا مرلی کے حالیہ بیانات پر ضلع کے ان کے مخالف گروپ نے اعلیٰ قیادت سے شکایت کی تھی۔ اس شکایت پر کونڈا مرلی پہلے ہی کمیٹی کے سامنے پیش ہو کر اپنا موقف بیان کر چکے ہیں۔

تازہ اطلاعات کے مطابق مرلی کے معاملے پر کمیٹی کی جانب سے اجلاس میں فیصلہ کرنے کا امکان ہے۔ ذرائع کا کہنا ہے کہ اس کمیٹی میں ایم ایل اے انیردھ ریڈی اور ایم ایل اے کومٹ ریڈی راج گوپال ریڈی کے معاملات پر بھی بحث ہونے کا امکان ہے۔