تلنگانہ: ساہوکاروں کی ہراسانی سے تنگ جوڑے کی خودکشی

حیدرآباد: تلنگانہ کے ضلع نظام آباد میں ساہوکاروں کی ہراسانی سے تنگ آکر ایک جوڑے نے خودکشی کرلی۔

تفصیلات کے مطابق ضلع کے گائتری نگر کے رہنے والے سرینواس اور ممتا کے دو بیٹے روزگار کی تلاش میں خلیجی ممالک میں مقیم ہیں، جبکہ حال ہی میں ان کی بیٹی کی شادی انجام پائی تھی۔

والدین کی صحت بگڑنے اور ساہوکاروں کے بڑھتے دباؤ کے سبب وہ شدید ذہنی تناؤ کا شکار ہو گئے تھے۔پولیس کے مطابق ساہوکاروں کی ہراسانی سے دلبرداشتہ ہو کر دونوں نے پھانسی لے لی۔

ان کے ارکان خاندان کی شکایت کی بنیاد پر پولیس نے مقدمہ درج کر کے جانچ شروع کردی۔