اسٹاک مارکیٹ میں چوتھے روز بھی تیزی

ممبئی: لندن میں امریکہ اور چین کے درمیان ہونے والے تجارتی مذاکرات کی وجہ سے عالمی تناؤ میں کمی کی امید سے پرجوش مقامی سطح پر سرمایہ کاروں کی طرف سے چوطرفہ خریداری کے باعث اسٹاک مارکیٹ میں آج مسلسل چوتھے دن تیزی رہی۔

بی ایس ای کا 30 حصص کا حساس انڈیکس سینسیکس 256.22 پوائنٹس کی چھلانگ لگا کر 82,445.21 پوائنٹس اور نیشنل اسٹاک ایکسچینج (این ایس ای) کا نفٹی 100.15 پوائنٹس کی چھلانگ لگا کر 25103.20 پوائنٹس پر پہنچ گیا۔ اسی طرح بی ایس ای کا مڈ کیپ 1.03 فیصد بڑھ کر 46,570.16 پوائنٹس اور اسمال کیپ 1.19 فیصد بڑھ کر 54,074.88 پوائنٹس پر پہنچ گیا۔

اس دوران بی ایس ای میں کل ملاکر 4335 کمپنیوں کے حصص میں کاروبار ہوا جن میں سے 2798 خریدے گئے جبکہ 1409 فروخت ہوئے جبکہ 128 میں کوئی تبدیلی نہیں ہوئی۔اسی طرح این ایس ای میں کاروبار کے لیے درج کمپنیوں کے کل ملاکر 3055 حصص میں سے 2066 کے حصص کی قیمتوں میں اضافہ ہوا جب کہ 904 میں کمی اور 85 کی قیمتوں میں استحکام رہا۔

بی ایس ای پر رئیلٹی میں 0.11 فیصد کمی کے علاوہ، دیگر 20 گروپوں میں تیزی دیکھی گئی ۔ اس دوران کموڈٹیز میں 0.88، سی ڈی 0.41، انرجی 0.93، ایف ایم سی جی 0.41، ایف ایم سی جی0.41، فائنانشیل سروسز 0.41،ہیلتھ کیئر 0.62، انڈسٹریز 0.72، آئی ٹی 1.02، ٹیلی کام 0.41، یوٹیلٹیز 1.65، آٹو 0.48، بینکنگ 0.69، کیپیٹل گڈس 0.73، کنزیومر ڈیوریبلز 0.06، میٹلز 0.60، آئل اینڈ گیس 1.12، پاور 1.43، ٹیک 0.59، سروسز 1.35 اور فوکسڈ آئی ٹی گروپ کے حصص میں 0.93 فیصد اضافہ ہوا۔

ایشیائی مارکیٹوں میں تیزی رہی۔ جاپان کا نکیئی 0.92 فیصد، ہانگ کانگ کا ہینگ سینگ 1.63 فیصد اور چین کا شنگھائی کمپوزٹ 0.43 فیصد بڑھ گیا جبکہ یورپی مارکیٹ میں برطانیہ کا ایف ٹی ایس ای 0.13 فیصد اور جرمنی کا ڈیکس 0.55 فیصد گر گیا۔