تلنگانہ انتخابات:کانگریس امیدوار سمپت کمار کی قیامگاہ پر آئی ٹی چھاپہ

حیدرآباد: تلنگانہ کانگریس کے امیدوارسمپت کمار کی جوگولامبا گدوال ضلع میں رہائش گاہ پر آئی ٹی عہدیداروں کی ٹیم نے چھاپے مارے۔سمپت کمارعالم پور حلقہ سے مقابلہ کررہے ہیں۔

آج صبح آئی ٹی عہدیداروں اور پولیس کے عہدیداروں نے ٹیموں نے ان کے مکان پہنچ کر تلاشی لی۔ذرائع کے مطابق مکان کے قفل توڑتے ہوئے یہ تلاشی لی گئی۔

اچانک اس کارروائی سے سمپت کمار کی بیوی بے ہوش ہوگئیں جن کو ایمبولنس کے ذریعہ اسپتال منتقل کیاگیا۔

آئی ٹی اور پولیس عہدیداروں کی اس کارروائی کی اطلاع کے ساتھ ہی سمپت کمار کے حامیوں اور کانگریس کے کارکنوں کی بڑی تعداد ان کے مکان پر جمع ہوگئی جنہوں نے اس کارروائی کی شدید مذمت کی۔