تلنگانہ: فیکٹری میں دھماکہ۔ایک مزدورہلاک

حیدرآباد: تلنگانہ کے یادادری بھونگیری ضلع میں پریمیئر ایکسپلوسوز کمپنی میں منگل کے روز دھماکہ ہوا، جس کے نتیجہ میں ایک مزدورہلاک اور کئی دیگر زخمی ہو گئے۔

دھماکہ کے بعد کام کرنے والے ملازمین خوف و ہراس میں بھاگنے لگے تاکہ فیکٹری سے بچ کر نکل سکیں۔

ہلاک ہونے والے مزدور کی شناخت گوداوری کھنی کے سدانندم کے طور پر ہوئی ہے۔ زخمیوں کو فوری طور پر بھونگیر ایریا اسپتال منتقل کر کے علاج شروع کر دیا گیا ہے۔

پولیس نے واقعہ کا مقدمہ درج کر لیا ہے اور دھماکے کی اصل وجہ کی تحقیقات جاری ہیں۔