تلنگانہ: راماگنڈم 62 میگا واٹ بی پاور ہاؤز میں آگ لگنے کا واقعہ

حیدرآباد: تلنگانہ کے پداپلی ضلع کے راماگنڈم 62 میگا واٹ بی پاور ہاؤز میں آگ لگنے کا واقعہ پیش آیا۔یہ واقعہ کیبل شارٹ سرکٹ کے باعث پیش آیا۔

بڑے پیمانہ پر آگ کے باعث بجلی کی پیداوار بند ہو گئی۔ اطلاع ملتے ہی پولیس، فائر بریگیڈ کے اہلکار فوری طور پر موقع پر پہنچ گئے اور احتیاطی تدابیر اختیار کیں۔

اس واقعہ میں کسی کے جانی نقصان یا پھر کسی کے جھلسنے کی کوئی اطلاع نہیں ملی جس پرتمام نے راحت کی سانس لی۔ اس وقت پلانٹ میں بجلی کی پیداوار رک گئی۔یہ واقعہ پیر کی نصف شب کو پیش آیا۔