تلنگانہ: 90 لاکھ روپئے مالیت کا گانجہ ضبط

حیدرآباد: تلنگانہ کے بھدرادری کوتہ گوڑم میں پولیس نے گانجہ منتقل کرنے کی کوشش کوناکام بناتے ہوئے بعض افراد کو گرفتار کرلیا۔

یہ واقعہ اشواراوپیٹ میں پیش آیا۔تفصیلات کے مطابق پولیس نے گاڑیوں کی تلاشی لی اور 359 کلو گانجہ ضبط کیا۔

پولیس کو پتہ چلا کہ آندھرا پردیش کے الوری سیتاماراجو ضلع کے درکونڈا سے حیدرآباد کو یہ گانجہ لے جایاجارہا تھا۔

پولیس نے بتایا کہ ضبط شدہ گانجہ کی مالیت تقریباً 90 لاکھ روپے ہے۔ ملزمین کے قبضے سے پانچ موبائل فون برآمد کر کے ان کا ریمانڈ کردیاگیا۔