تلنگانہ: گیس سلنڈر پھٹ پڑنے کا واقعہ۔ شدیدطورپرجھلس جانے والے اسسٹنٹ سب انسپکٹر کی موت

حیدرآباد: گیس سلنڈر کے پھٹ پڑنے کے سبب آگ لگنے کے واقعہ میں شدیدطورپرجھلس جانے والے اسسٹنٹ سب انسپکٹر کی علاج کے دوران موت ہوگئی۔یہ واقعہ تلنگانہ کے ضلع کریم نگرمیں پیش آیاتھا۔

اس اے ایس آئی کی شناخت 52سالہ ٹی راماسوامی کے طورپرکی گئی ہے۔9دن پہلے یہ واقعہ پیش آیا تھا جس کے بعد اس کو علاج کے لئے حیدرآباد کے ایک پرائیویٹ اسپتال میں داخل کروایاگیاتھا۔

کریم نگرضلع کے مہرنگرکا ساکن راما سوامی، کریم نگر پولیس کمشنریٹ میں کرائم ریکارڈس ونگ میں برسرخدمت تھا۔17نومبر کو پیش آئے اس واقعہ میں وہ جھلس گیاتھا۔