جبری تخلیہ کیس، ایس پی لیڈر محمد اعظم خان خاطی قرار

رام پور: ایک عدالت نے آج یہاں سماج وادی پارٹی کے لیڈر محمد اعظم خان کو ایک مکان کا جبری تخلیہ کرانے اور مالک ِ مکان کو مارپیٹ کرنے کے 8 سال قدیم کیس میں قصوروار قراردیا۔

رام پور کی خصوصی ایم پی۔ ایم ایل اے عدالت نے اس کیس میں خان کو قصوروار پایا۔ ان کے وکیل ونود شرما نے یہ بات بتائی۔

انہوں نے کہا کہ سزا بعد میں سنائی جائے گی۔ وہ ویڈیو کانفرنسنگ کے ذریعہ عدالت میں پیش ہوئے تھے۔

دسمبر 2016 میں متاثرہ شخص ابرار نے اعظم خان اور ریٹائرڈ سرکل آفیسر برکت علی کے خلاف شکایت درج کرائی تھی۔

انہوں نے کہا تھا کہ یہ لوگ زبردستی ان کے گھر میں داخل ہوگئے تھے‘ جائیداد کو نقصان پہنچایا تھا اور گھر خالی کرانے کے لئے انہیں مارپیٹ کی تھی۔ ایس پی لیڈر فی الحال دیگر کیسس میں سیتاپور جیل میں ہیں۔