تلنگانہ حکومت ریاست میں صنعتی ترقی کیلئے پابند عہد:چیف منسٹر ریونت ریڈی

حیدرآباد: چیف منسٹر تلنگانہ ریونت ریڈی نے واضح کیا کہ ان کی حکومت ریاست میں صنعتی ترقی کے لیے پابند عہد ہے۔ فاکس کان کمپنی کے ذمہ داروں نے سکریٹریٹ میں وزیراعلی ریونت ریڈی سے ملاقات کی۔اس ملاقات کے موقع پر وزیرآئی ٹی سریدھر بابو، چیف سکریٹری شانتی کماری اور دیگر سینئر عہدیدارموجود تھے۔

اس موقع پر وزیراعلیٰ نے کہا کہ تلنگانہ میں نئی حکومت کی ذمہ داری ہے کہ وہ عوام کی خواہشات کی تکمیل کرے۔ انہوں نے کہا کہ ہم ایسی پالیسی اختیار کررہے ہیں جو تمام طبقات کے لیے دوستانہ ہو۔ انہوں نے کہا کہ صنعت کاروں کو بھی بھرپور تعاون فراہم کیا جائے گا۔

 ریونت ریڈی نے یقین دہانی کروائی کہ صنعتوں کی ترقی اور قیام کے لیے ضروری اجازت نامے آسانی سے فراہم کیے جائیں گے اور بنیادی سہولیات فراہم کی جائیں گی۔