تلنگانہ کے انچارج گورنر سی پی رادھا کرشنن نے رانچی میں ووٹ ڈالا

حیدرآباد: تلنگانہ کے انچارج گورنر سی پی رادھا کرشنن نے جھارکھنڈ کے دارالحکومت رانچی میں اپنے ووٹ کے حق کا استعمال کیا۔

انہوں نے عام آدمی کی طرح قطار میں ٹہرکر اپنا ووٹ ڈالا۔ بعد ازاں میڈیا سے بات کرتے ہوئے گورنر نے کہا کہ انہوں نے ووٹ دیتے ہوئے اپنا جمہوری حق استعمال کیا۔

انہوں نے تجویز دی کہ ہر شہری کو اپنا حق رائے دہی استعمال کرنا چاہیے۔ رادھا کرشنن نے کہا کہ ووٹ دینا نہ صرف ایک حق ہے بلکہ ملک کا جمہوری فرض بھی ہے۔

انہوں نے تمام رائے دہندوں بالخصوص نوجوان ووٹرس سے گزارش کی کہ وہ زیادہ سے زیادہ تعداد میں جمہوریت کے تہوار میں شرکت کریں۔ جھارکھنڈ میں لوک سبھا کی 4 سیٹوں کے لیے پولنگ ہفتہ کو ہوئی۔