تلنگانہ کے گورنر کی شری رام نومی کی مبارکباد

حیدرآباد: تلنگانہ کے گورنر شیو پرتاپ شکلا نے جمعرات کے روز ریاست کے عوام کو شری رام نومی کے پرمسرت موقع پر مبارکباد دی ہے، جو جمعہ کے روز منائی جائے گی۔

اپنے ایک پیغام میں گورنر نے کہا کہ ’’شری رام نومی کے اس مبارک موقع پر، میں سب کے لیے اپنی نیک خواہشات کا اظہار کرتا ہوں۔ شری رام نومی پورے ملک میں عقیدت و احترام کے ساتھ منائی جاتی ہے، جو مقدس ‘پنر واسو’ نکشتر کے تحت بھگوان شری رام کی ولادت کی علامت ہے۔

بھگوان رام کو حق پرستی اور مثالی خوبیوں کا پیکر تسلیم کیا جاتا ہے۔‘‘

انہوں نے مزید کہا کہ ’’اس مقدس دن پر بھگوان رام اور سیتا کا آسمانی ‘کلیانہ مہوتسوم’ منایا جاتا ہے، جو محبت اور ہم آہنگی کی علامت ہے۔ آئیے ہم بھگوان رام کی مثالی زندگی سے ترغیب حاصل کریں اور ایک بامعنی و بھرپور زندگی کے لیے حق اور سچائی کی راہ پر چلیں۔‘‘

گورنر نے اخیر میں کہا کہ ’’تلنگانہ کے عوام کو اس خوشی کے موقع پر دلی مبارکباد۔ جے شری رام‘‘