بس میں کنڈکٹر کے بیگ سے بھاری رقم کی چوری

حیدرآباد: مسافرین سے بھری بس میں کنڈکٹر کے بیگ سے بھاری رقم کی چوری کی واردات پیش آئی جس میں تقریبا 9000روپئے تھے۔

منورگوڑو ڈپو سے تعلق رکھنے والی آر ٹی سی بس کھمم سے پالوانچہ کی سمت جارہی تھی کہ کسی نے کنڈکٹر کے بیگ سے یہ رقم چوری کرلی۔

بتایاجاتا ہے کہ کنڈکٹر ٹکٹ دینے میں مصروف تھا کہ اسی کا فائدہ اٹھاتے ہوئے یہ رقم چوری کرلی گئی۔کنڈکٹر نے اس خصوص میں پولیس سے شکایت کی۔اس واقعہ کے وقت بس میں 90 مسافر سوار تھے۔