تلنگانہ
تلنگانہ: کار اور موٹر سائیکل میں خوفناک تصادم۔ ایک کنٹریکٹ لکچرر ہلاک
تفصیلات کے مطابق، گنیاگولہ گاؤں کے رہنے والے 27 سالہ بالاراجو اور پدا مددنور گاؤں کے رہنے والے ملیش دونوں اپنے آبائی گاؤں جا رہے تھے۔
حیدرآباد: تلنگانہ کے ناگر کرنول ضلع کی چندرکل گیٹ کے قریب جمعہ کی رات ایک کار اور موٹر سائیکل کے درمیان خوفناک تصادم میں ایک کنٹریکٹ لکچرر ہلاک ہوگیا، جبکہ دوسرا نوجوان شدید زخمی ہوگیا۔
تفصیلات کے مطابق، گنیاگولہ گاؤں کے رہنے والے 27 سالہ بالاراجو اور پدا مددنور گاؤں کے رہنے والے ملیش دونوں اپنے آبائی گاؤں جا رہے تھے۔
اسی دوران چندرکل گیٹ کے قریب ایک کار نے ان کی موٹر سائیکل کو ٹکر مار دی۔حادثہ میں بالاراجو موقع پر ہی ہلاک ہوگیا جبکہ ملیش کو شدید زخم آئے۔
مقامی افراد نے فوری طور پر 108 ایمبولینس کے ذریعہ زخمی کو ضلع اسپتال منتقل کیا۔ بالاراجو ناگر کرنول ضلع ہیڈ کوارٹر میں واقع سرکاری ڈگری کالج میں کنٹریکٹ لکچرر کے طور پر خدمات انجام دے رہاتھا۔
ہمیں فالو کریں
