تلنگانہ: ڈمپنگ یارڈ میں تیندوا مردہ پایا گیا

حیدرآباد: تلنگانہ کے ضلع نلگنڈہ کے نلگنڈہ بلدی ڈمپنگ یارڈ میں ایک تیندوا مردہ پایا گیا۔یہ واقعہ چہارشنبہ کی صبح علم میں آیا۔

مقامی افراد نے اس کو جھاڑیوں میں مردہ حالت میں دیکھا۔

ذرائع کے مطابق کیشاراجو پلی، سیشم گوڑم، ایس ٹی کالونی اورچندن پلی کے رہنے والوں نے چند دن پہلے اس جانور کو دیکھا تھا جن کاکہنا تھا کہ یہ تیندوا حرکت نہیں کررہا ہے۔

آج صبح محکمہ جنگلات کے عہدیداروں نے وہاں پہنچ کر حالات کا جائزہ لیا اور اس تیندوے کا معائنہ کیا جس پر یہ مردہ پایا گیا۔

شبہ کیاجارہا ہے کہ 10 دن پہلے اس تیندوے کی موت ہوگئی تھی۔