تلنگانہ: محبت کی شادی سے گھروالوں کے انکار پر عاشق اورمعشوقہ نے خودکشی کرلی

حیدرآباد: محبت کی شادی سے گھروالوں کے انکار پر عاشق اورمعشوقہ نے خودکشی کرلی۔یہ واقعہ تلنگانہ کے ضلع سوریاپیٹ میں پیش آیا۔

تفصیلات کے مطابق ضلع کے تُملاایس پہاڑ سے تعلق رکھنے والے سوجئے اور ناگاجیوتی ایک دوسرے سے محبت کرتے تھے اور شادی کرنا چاہتے تھے تاہم ان دونوں کے ارکان خاندان نے ان کی شادی سے انکارکردیا کیونکہ دونوں الگ الگ ذاتوں سے تعلق رکھتے تھے۔

اس پر مایوسی کے عالم میں ان دونوں نے کیڑے ماردواپی کرخودکشی کرلی۔اس انتہائی اقدام سے پہلے ان دونوں نے خودکش نوٹ لکھتے ہوئے کہا کہ ان کی شادی میں رکاوٹ ڈالنے والوں کے خلاف کارروائی کی جائے۔

انہوں نے کہاکہ یہ دونوں شادی کرنا چاہتے تھے تاہم ان کی الگ الگ ذات اس میں رکاوٹ بنی ہوئی تھی۔

ان دونوں کی لاشوں کو دیکھ کر پولیس کو اطلاع دی گئی جس پر پولیس نے ان کی لاشوں کو پوسٹ مارٹم کے لئے بھیج دیا اور ان کے خودکش نوٹ کی بنیاد پر دونوں خاندانوں کے سات افراد کے خلاف مقدمہ درج کر کے جانچ شروع کردی۔