تلنگانہ: وہیل الائنمنٹ اور ٹائروں کی دکان میں بڑے پیمانہ پرآگ

حیدرآباد: تلنگانہ کے پیٹ بشیر آبادعلاقہ میں واقع ایک وہیل الائنمنٹ اور ٹائروں کی دکان میں بڑے پیمانہ پرآگ لگنے کا واقعہ پیش آیا۔

یہ آگ دکان میں تیزی سے پھیل گئی، جس سے بھاری نقصان کا خدشہ ہے۔ آگ لگنے کی وجوہات کا پتہ نہیں چل سکا۔

آگ کے ساتھ کثیف دھواں بھی دیکھاگیاجس سے مقامی افراد خوفزدہ ہوگئے۔انہوں نے فوری طورپرفائربریگیڈ کے عملہ کو اس بات کی اطلاع دی جس کے بعد فائربریگیڈ کے عملہ نے وہاں پہنچ کرآگ پرکافی جدوجہد کے بعد قابوپایا۔

اس واقعہ سے بڑے پیمانہ پرمالی نقصان ضرور ہوا ہے تاہم جانی نقصان یا پھر کسی کے جھلسنے کی کوئی اطلاع نہیں ملی ہے۔