تلنگانہ کے وزیر ناگیشورراو کا کانگریس لیڈروں کے ساتھ اجلاس

حیدرآباد: تلنگانہ کے وزیر زراعت ٹی ناگیشور راؤ نے بی آر امبیڈکر سکریٹریٹ میں ٹی پی سی سی تشہیری کمیٹی کے چیئرمین مدھو یاسکھی گوڑاور ملکاجگری پارلیمانی حلقہ سے تعلق رکھنے والے کانگریس کے دیگر لیڈروں کے ساتھ اجلاس منعقد کیا۔

وزیر موصوف کو ریاستی کانگریس نے ملکاجگری پارلیمانی حلقہ کے نگران کے طور پر مقرر کیا ہے۔

اجلاس کے دوران وزیرزراعت نے کانگریس کارپوریٹرس اور سابق کارپوریٹرس سے تبادلہ خیال کیا اور آنے والے لوک سبھا انتخابات میں ملکاجگری پارلیمانی حلقہ میں کانگریس پارٹی کی کامیابی کے لیے اختیار کی جانے والی حکمت عملی پر تبادلہ خیال کیا۔