ٹی ایس پی ایس سی پیپر لیک معاملہ، ایک اور گرفتار

حیدرآباد: تلنگانہ پبلک سرویس کمیشن(ٹی ایس پی ایس سی) پیپر لیک معاملہ میں ایس آئی ٹی حکام نے ایک اور شخص کو حراست میں لیا ہے۔ محبوب نگر ضلع کے نواب پیٹ طمانیت روزگار محکمہ میں کام کرنے والے ملازم پرشانتھن کو ایس آئی ٹی نے حراست میں لے کر پوچھ گچھ کی ہے۔

ایس آئی ٹی کو پتہ چلا کہ اس نے ملزمین سے پرچہ سوالات خرید کر امتحان تحریر کیاتھا۔ملزم راج شیکھر ریڈی کی طرف سے دی گئی اہم معلومات کی بنیاد پر اس کو حراست میں لیا گیا۔ ایس آئی ٹی نے ا س سلسلہ میں شواہد اکٹھے کیے ہیں ۔