تلنگانہ:پی آرسی نے کام شروع کردیا،تنخواہوں میں اضافہ کیلئے تجاویز کی طلبی

حیدرآباد: تلنگانہ میں سرکاری ملازمین کی تنخواہوں میں اضافہ کی کمیٹی پی آرسی نے کام کرنا شروع کر دیا۔

تنخواہوں پر نظر ثانی کے سلسلہ میں سرکاری ملازمین کی تجاویز حاصل کرنے کے لیے محکمہ واری اجلاس منعقد کیے جا رہے ہیں۔ پی آر سی اس سلسلے میں تمام محکموں کے سربراہان کو مکتوبات روانہ کررہی ہے۔

متعلقہ محکموں میں ملازمین کی تعداد،ان کے پے سکیل اور دیگر تفصیلات کے ساتھ اجلاس میں شرکت کرنے کی عہدیداروں کو ہدایت دی جارہی ہے۔

اس مہینے کی 19 تاریخ کو، بی آر کے بھون کی 7ویں منزل پر واقع کانفرنس ہال میں چار محکموں کے سربراہان کے ساتھ ایک اجلاس منعقد کیاجائے گا۔ اس دن صبح 11.30 بجے ای این سی محکمہ کے سربراہ اور محکمہ آبپاشی اور آیاکٹ ایریا ڈیولپمنٹ (سی اے ڈی) کے ملازمین کے ساتھ اجلاس ہوگا۔

دوپہر 12.30 بجے کمشنریٹ آف ٹنڈرس، 12.45 بجے گراؤنڈ واٹر ڈپارٹمنٹ، دوپہر 1 بجے اسٹیٹ انجینئرنگ ریسرچ اینڈ لیبارٹریز ڈپارٹمنٹ کے ذمہ داروں کے ساتھ اجلاس ہوں گے۔