تلنگانہ: نابالغ لڑکی سے جنسی زیادتی پر عوام میں برہمی

حیدرآباد: تلنگانہ کے عادل آباد شہر میں نابالغ لڑکی کے ساتھ جنسی زیادتی کے شرمناک واقعہ کے بعد عوام میں برہمی دیکھی گئی جنہوں نے ملزمین کے خلاف سخت کارروائی کامطالبہ کرتے ہوئے ایس پی سے نمائندگی کی۔

ذرائع کے مطابق پڑوس میں رہنے والے باپ اور بیٹے نے اس لڑکی کی عصمت دری کی۔

اس واقعہ پر لڑکی کواسپتال لے جایاگیا کیونکہ اس کی صحت خراب ہوگئی۔لڑکی نے

اپنی ماں کو اس شرمناک حرکت سے واقف کروایاجس نے فوری پولیس سے شکایت کی۔اس شکایت کی بنیاد پرپولیس نے معاملہ درج کرلیااوربتایاجاتا ہے کہ ملزمین کو گرفتارکرلیاگیا تاہم اس کی توثیق نہیں ہوئی۔

اطلاع ملتے ہی عادل آباد انچارج ایس پی جانکی شرمیلا رمس اسپتال پہنچیں اور متاثرہ لڑکی سے ملاقات کی۔انہوں نے میڈیا سے غیر رسمی بات کرتے ہوئے بتایا کہ اس معاملے میں مقدمہ درج کر لیا گیا ہے اور پولیس مکمل جانچ کر رہی ہے۔