تلنگانہ: مختلف اضلاع میں درج بارش کی تفصیلات
تلنگانہ میں کئی مقامات پر موسلادھار بارش ہو رہی ہے۔ محبوب آباد ضلع کے انوگرتی میں 43.8 سنٹی میٹر بارش ریکارڈ کی گئی۔
![تلنگانہ: مختلف اضلاع میں درج بارش کی تفصیلات](https://urdu.munsifdaily.com/wp-content/uploads/2024/09/RAIN-19.jpg)
حیدرآباد: تلنگانہ میں کئی مقامات پر موسلادھار بارش ہو رہی ہے۔ محبوب آباد ضلع کے انوگرتی میں 43.8 سنٹی میٹر بارش ریکارڈ کی گئی۔
چننا گڈورمیں 42.85 سنٹی میٹر، نیلی کدورمیں 41.65 سنٹی میٹر، پدا نگر 40.28 سنٹی میٹر، کوملا وانچامیں 38.93 سنٹی میٹر، دتاپلی 33.25 سنٹی میٹر، ملیال میں 33 سنٹی میٹر، ماری پاڈومیں 32.4 سنٹی میٹر، لکنا ورم میں 28 سنٹی میٹر، محبوب آبادمیں 27.25 سنٹی میٹربارش ریکارڈہوئی۔
ورنگل ضلع کے ریڈلاواڑا میں 43.55 سنٹی میٹر اور کالیڈا میں 27.88 سینٹی میٹر بارش ریکارڈ کی گئی۔ متحدہ ضلع کھمم میں موسلادھار بارش ہو رہی ہے۔
شہر کی کئی کالونیاں زیر آب آ گئیں۔ سیلابی پانی اسکول کے احاطہ میں داخل ہوگیا۔ پالیرو آبی ذخائر میں سیلاب کی صورتحال پیداہوگئی۔
آبی ذخائر میں 40 ہزار کیوسک پانی کا بہاو درج کیاگیا۔ ونپرتی ضلع کے سرلا ساگر میں پانی کا شدید بہاودیکھاگیا۔ضلع کے کئی علاقے زیر آب آگئے۔