تلنگانہ آرٹی سی نے دوردراز مقامات پر جانے والوں کیلئے پک اپ وین کا انتظام کیا

حیدرآباد: تلنگانہ اسٹیٹ روڈٹرانسپورٹ کارپوریشن(ٹی جی ایس آرٹی سی) نے دور دراز مقامات پر جانے والے مسافروں کے لئے شہر حیدرآباد میں ٹریفک کے مسائل سے بچنے کے لیے ایک اختراعی نظریہ پیش کیا ہے۔ اہم علاقوں سے آنے والے مسافروں کے لئے پک اپ وین کا انتظام کیاگیا ہے۔ آر ٹی سی نے آج سے ان خدمات کو دستیاب کروایا ہے۔

عہدیداروں نے بتایا کہ ای سی آئی ایل سے ایل بی نگر تک پک اپ وین کی سہولت فراہم کی گئی ہے۔ آر ٹی سی کے مطابق وجئے واڑہ، وشاکھاپٹنم، کاکناڈا، تروپتی، اونگول، نیلور اور کندوکورروٹس پر جانے والے مسافروں کی سہولت کے لیے ان پک اپ وین کا انتظام کیا گیا ہے۔

 دوسری طرف، رنگا ریڈی ریجنل منیجر سری لتانے ایک بیان میں کہا کہ تمام اے سی بسوں میں سفر کرنے والوں کو ٹکٹوں پر 10 فیصد کمی دی گئی ہے۔ عہدیداروں نے کہا کہ مسافر مزید تفصیلات کے لئے آرٹی سی کی ویب سائٹ ملاحظہ کریں۔