تلنگانہ: آرٹی سی بس، لاری سے ٹکراگئی۔30مسافرین زخمی

حیدرآباد: تلنگانہ کے ضلع مُلگ میں پیش آئے سڑک حادثہ میں 30مسافرین زخمی ہوگئے۔یہ حادثہ ضلع کے جلگلانچا پل پر اُس وقت پیش آیا جب ایک آر ٹی سی بس کے ڈرائیور نے اس کاتوازن کھودیااوریہ بس،لاری سے ٹکراگئی۔

اس حادثہ میں 30 مسافر زخمی ہو گئے، جن میں سے کئی کی حالت نازک بتائی جاتی ہے۔

اطلاعات کے مطابق آر ٹی سی بس ہنمنڈہ کی طرف جارہی تھی،اس حادثہ میں 15 مسافر شدید زخمی ہوگئے۔

زخمی مسافروں کو علاج کے لیے مُلگ ایریا اسپتال منتقل کیا گیا۔ اس حادثہ کے نتیجہ میں ملگ۔ورنگل ہائی وے پر زبردست ٹریفک جام ہوگیا۔

ٹریفک کو بحال کرنے میں ایک گھنٹے سے زیادہ کا وقت لگا۔