تلنگانہ اورآندھراپردیش میں گرمی کی شدت میں غیرمعمولی اضافہ

حیدرآباد: دونوں تلگوریاستوں تلنگانہ اورآندھراپردیش میں گرمی کی شدت میں حالیہ دنوں کے دوران غیرمعمولی اضافہ ہوا ہے۔محکمہ موسمیات نے کہا کہ آئندہ تین دنوں کے دوران درجہ حرارت میں غیرمعمولی اضافہ کا امکان ہے۔اسی کے پیش نظر ماہرین نے چوکس رہنے کی عوام سے خواہش کی ہے۔

صبح 9بجے سے ہی گرمی کی شدت محسوس کی جارہی ہے۔اس ماہ کے ساتھ ساتھ مئی کے مہینہ میں معمول سے زائد درجہ حرارت درج ہونے کاامکان ہے۔

محکمہ موسمیات نے کہاکہ روزانہ ایک ڈگری درجہ حرارت میں اضافہ کا امکان ہے۔محکمہ کے ماہرین نے عوام سے خواہش کی ہے کہ وہ پانی کا استعمال زیادہ سے زیادہ کریں اورپانی والے پھلوں کا زائد استعمال کیاجائے۔