تلنگانہ: می سیواسنٹر سے چارلاکھ روپئے کی چوری

حیدرآباد: تلنگانہ کے محبوب آباد ضلع کے بیارم میں می سیواسنٹر میں چوری کی واردات پیش آئی۔

کل رات می سیواسنٹر میں چور داخل ہوئے جنہوں نے تقریبا چارلاکھ روپئے کی چوری کرلی۔دو دن پہلے چوروں نے اے ٹی ایم کو نشانہ بناتے ہوئے 28لاکھ روپئے کی چوری کرلی تھی۔

چوروں نے اے ٹی ایم کے قریب واقع می سیواسنٹرکے شٹرکو توڑکرچوری کی واردات انجام دی۔

می سیواسنٹر کے مالک نے پولیس سے کی گئی شکایت میں کہا کہ چارلاکھ روپئے،کمپیوٹر کاسامان اوربیٹریز کی چوری کی گئی۔

چوری کی یہ واردات وہاں لگے سی سی ٹی وی کیمرہ میں قید ہوگئی جس کی بنیاد پر پولیس اس ملزمین کی تلاش کررہی ہے۔