تلنگانہ کے وزیر سیاحت نے سسپنشن بریج کا افتتاح کیا

حیدرآباد: تلنگانہ کے وزیر سیاحت سرینواس گوڑ نے کہا ہے کہ محبوب نگر علاقہ کو ترقی دی جائے گی تاکہ پڑوسی ریاستوں سے سیاح یہاں آئیں۔

انہوں نے ضلع مستقر میں منی ٹینک بنڈ میں نئے تعمیر شدہ سسپنشن بریج کا افتتاح کیا۔ بعد ازاں دڑونس کی نمائش کی گئی جس کے مناظر کافی دیدہ زیب تھے۔

وزیر موصوف نے اس موقع پر منعقدہ تقریب سے خطاب کرتے ہوئے کہاکہ تلنگانہ کی تشکیل کے بعد ریاستی حکومت نے سیاحت کی ترقی کے لئے نمایاں اقدامات کئے ہیں۔

انہوں نے کہاکہ منی ٹینک بنڈ کے ارد گرد نیکلس روڈ بھی بنائی جارہی ہے۔ لیزر شو سے تعطیلات کے دوران تفریح کا انتظام کیاگیا ہے۔