تلنگانہ:آوارہ کتوں کے حملہ میں دو بچے زخمی

حیدرآباد: تلنگانہ کے نظام آباد مستقر میں آوارہ کتوں کے حملہ میں دو بچے شدید زخمی ہوگئے۔ ذرائع کے مطابق ڈویژن 7 میں آوارہ کتوں کے حملے میں یہ بچے زخمی ہوگئے۔

ان کتوں نے ایک 5سالہ لڑکے کے کان اور دوسرے 4سالہ لڑکے کی گردن پر حملہ کردیا۔ان زخمی بچوں کو علاج کے لیے مقامی پرائیویٹ اسپتال منتقل کیاگیا۔

بعد ازاں بہتر علاج کے لئے ان کو حیدرآباد منتقل کیاگیا۔مقامی افراد کا کہنا ہے کہ پچھلے کچھ عرصہ سے اس ڈویژن میں آوارہ کتے گھوم رہے ہیں اور مقامی لوگوں پر حملہ کر رہے ہیں۔