تلنگانہ: چلتی بس کے پہیہے اچانک نکل گیے،اسکوٹی کوٹکر، دوزخمی

حیدرآباد: تلنگانہ کے بھدراچلم سے منوگوڑو جانے والی ایک آر ٹی سی بس میں سفر کے دوران ہی پچھلے پہیے نکل جانے سے ایک بڑا حادثہ ٹل گیا۔ اشواپورم منڈل کے مٹہ گوڈم کے قریب ڈرائیور کی جانب کے پچھلے پہیے کا ایکسل شافٹ ٹوٹنے کے باعث دو پہیے اچانک الگ ہو گئے۔

اسی دوران بس نے ساتھ چلتی ہوئی ایک اسکوٹی کو ٹکر مار دی، جس کے نتیجے میں اسکوٹی پر سوار 12 سالہ بچی کی ایک ٹانگ اور ایک بازو ٹوٹ گیا۔

ایک اور شخص بھی زخمی ہوا۔ حادثے کے وقت بس میں تقریباً 60 مسافر موجود تھے۔ ڈرائیور کی بروقت سمجھداری کے باعث بس کھیتوں میں گھسنے سے بچ گئی، ورنہ حادثہ مزید خوفناک ہو سکتا تھا۔

حادثہ کے بعد اس اہم سڑک پر گاڑیوں کی لمبی قطار لگ گئی، جس پر اشواپورم پولیس نے ٹریفک کو قابو میں کیا۔ آر ٹی سی ڈی ایم شیام سندر فوراً موقع پر پہنچے اور بتایا کہ ایکسل شافٹ ٹوٹنے کی وجہ سے یہ واقعہ پیش آیا۔ بس کی مرمت کے لیے عملہ کام میں مصروف ہے۔