تلنگانہ کے ضلع عادل آباد میں درجہ حرارت 45ڈگری سے تجاوز

حیدرآباد: تلنگانہ کے دارالحکومت حیدرآباد کے بشمول کئی اضلاع ان دنوں شدید گرمی کی لپیٹ میں ہیں۔

ضلع عادل آباد میں درجہ حرارت 45 ڈگری سیلسیس سے تجاوز کر گیا ہے، جس کے باعث ریڈ الرٹ جاری کیا گیا ہے۔تیزہوائیں گرمی کی شدت میں مزید اضافہ کر رہی ہیں، جس سے عوام کو شدید مشکلات کا سامنا ہے۔

محکمہ موسمیات نے مشورہ دیا ہے کہ جب تک انتہائی ضرورت نہ ہو، عوام گھروں سے باہر نہ نکلیں۔ عادل آباد،نرمَل، منچریال اور آصف آباد میں کاروباری اور تجارتی مراکز خاص طور پر متاثر ہوئے ہیں۔

محکمہ موسمیات کا کہنا ہے کہ شمالی سمت سے چلنے والی ہواوں کی شدت عادل آباد، منچریال اور آصف آباد میں معمول سے کہیں زیادہ ہے، جس نے گرمی کی شدت میں مزید اضافہ کردیا ہے۔

عوام سے گزارش ہے کہ وہ کافی مقدار میں پانی کا استعمال کریں۔