تلنگانہ کے ضلع کھمم میں سنٹرل لائبریری کی قدیم عمارت مہندم

حیدرآباد: تلنگانہ کے ضلع کھمم میں ڈپو روڈ پر سنٹرل لائبریری کی قدیم عمارت مہندم ہوگئی۔اس حادثہ کے وقت وہاں کوئی موجود نہیں تھا جس کے نتیجہ میں بڑا حادثہ ٹل گیا۔

عمارت کے گرنے کی آواز سن کر متصل عمارت میں زیر تعلیم طلباء خوفزدہ ہو کرجان بچانے کیلئے دوڑپڑے۔

وزیرٹی ناگیشور راؤ جنہوں نے مقام واقعہ کا معائنہ کیا، طلباء سے بات کی اور اس سلسلہ میں معلومات حاصل کیں۔

انہوں نے کلکٹر کو ہدایت دی کہ وہ اس لائبریری کو دوسری جگہ منتقل کرنے کے اقدامات کریں۔بلدیہ کے عملہ نے ملبہ ہٹانے کا کام شروع کر دیا ہے۔ یہ عمارت 1957 میں تعمیر کی گئی تھی۔