کانگریس نے مہم کی گاڑیوں کو ضبط کرنے پر پولیس کے خلاف شکایت درج کرائی

حیدرآباد: کانگریس پارٹی نے چیف الیکٹورل آفیسر وکاس راج سے مطالبہ کیا ہے کہ وہ حیدرآباد میں پارٹی ہیڈ کوارٹر سے انتخابی مہم چلانے کے لئے تیار کی گئی موٹر گاڑیوں کو لے جانے والے پولیس ملازمین کے خلاف کارروائی کریں۔

تلنگانہ پردیش کانگریس کمیٹی کے نائب صدر سی ایچ کرن کمارریڈی نے اس سلسلہ میں سی ای او کو ایک مکتوب تحریر کیا ہے۔

انہوں نے بتایا کہ پولیس نے گاندھی بھون سے تین ایمبسیڈر کاروں کو زبردستی منتقل کردیا۔ ان کاروں میں پارٹی کی انتخابی مہم سے متعلق مواد بھی موجود تھا۔