کانگریس نے گریجویٹ حلقوں کے انتخابات میں سی پی آئی سے حمایت طلب کی

حیدرآباد :   تلنگانہ کانگریس کے قائدین نے جمعہ کو کمیونسٹ پارٹی آف انڈیا (سی پی آئی) کے ریاستی دفتر میں اس کے قائدین سے ملاقات کی اور آئندہ گریجویٹ حلقوں کے انتخابات میں حمایت طلب کی۔

کانگریس کی جانب سے اس ملاقات میں تلنگانہ پردیش کانگریس کمیٹی (ٹی پی سی سی) کے صدر مہیش کمار گوڑ، ریاستی وزراء پونم پربھاکر اور اظہرالدین، راجیہ سبھا کے رکن ویم نریندر ریڈی اور رکن پارلیمنٹ ملو روی نے شرکت کی۔

سی پی آئی کی جانب سے ریاستی سکریٹری کونامنی سمباسیوا راؤ، رکن قانون ساز کونسل نیلی کانتی ستیہ م، قومی عاملہ کے ارکان پالا وینکٹ ریڈی اور چاڈا وینکٹ ریڈی کے علاوہ ریاستی سکریٹریٹ کے ارکان وی ایس بوس، ای ٹی نرسمہا، تکلا پلی سرینواس راؤ، کلاوینی شنکر اور بالا نرسمہا بھی اجلاس میں شریک ہوئے۔