تلنگانہ
سرکاری اسپتال کی خستہ حالی بے نقاب، بچوں کے وارڈ کی چھت اچانک گرگئی
خوش قسمتی سے حادثے کے وقت وارڈ میں کوئی بچہ موجود نہیں تھا، بڑا سانحہ ٹل گیا
- خوش قسمتی سے حادثے کے وقت وارڈ میں کوئی بچہ موجود نہیں تھا، بڑا سانحہ ٹل گیا
تلنگانہ: تلنگانہ کے ضلع محبوب آباد میں واقع ایریا اسپتال کے بچوں کے وارڈ میں چھت کا ایک حصہ اچانک گرنے کا واقعہ پیش آیا۔ خوش قسمتی سے حادثے کے وقت وارڈ میں کوئی بچہ موجود نہیں تھا، جس کے باعث ایک بڑا حادثہ ٹل گیا اور کسی بچے کے زخمی ہونے کی اطلاع نہیں ہے۔
اطلاعات کے مطابق، بچوں کے وارڈ کی چھت کا حصہ اچانک نیچے گرگیا، جس سے اسپتال میں تشویش کی صورتحال پیدا ہوگئی۔ اگر اس وقت وارڈ میں بچے زیرِ علاج ہوتے تو کوئی بڑا حادثہ پیش آسکتا تھا۔
اس واقعے نے سرکاری اسپتالوں میں عمارتوں کی دیکھ بھال، چھتوں کی مضبوطی اور مریضوں کی حفاظت کے انتظامات پر سوالات کھڑے کردیے ہیں۔ اسپتال میں زیرِ علاج بچوں اور ان کے اہلِ خانہ کی حفاظت کو یقینی بنانے کے لیے عمارت کی حالت کا جائزہ لینا ضروری ہے۔
ہمیں فالو کریں
