مردہ خاتون نے 7 افراد کی جان بچائی
ڈاکٹرس نے اس خاتون کے اعضا کو نکال کر ونٹی لیٹر پر رکھا۔اس خاتون کے گردہ، جگراوردو آنکھوں کو ڈاکٹرس نے نکال کر سات افراد کو لگایا جن کو ان اعضا کی ضرورت تھی۔ اس طرح اس خاتون کے اعضا سے دیگر سات افرادکی جان بچ پائی۔
حیدرآباد: تلنگانہ کے ضلع سدی پیٹ کی ایک 39سالہ ذہنی مردہ خاتون نے اپنے اعضا کا عطیہ دیتے ہوئے سات دیگر افراد کی جان بچائی۔یہ خاتون،تلنگانہ کی تہذیب اور ثقافت کو اجاگر کرنے والے بتکماں فیسٹیول کے موقع پر حادثہ کا شکار ہوگئی تھی۔یہ خاتون ٹو وہیلرچلارہی تھی۔اس کے ساتھ گاڑی پراس کے ساتھ ایک اورخاتون تھی۔
اس خاتون نے ٹووہیلر کا توازن کھودیا جس کے نتیجہ میں یہ گاڑی درخت سے ٹکراگئی۔اس خاتون کو علاج کے لئے پہلے ایم جی ایم اسپتال ورنگل لایاگیا جہاں علاج کا اس پر کوئی اثر نہیں ہوا جس پر ڈاکٹرس کے مشورہ پر اس کو بہتر علاج کے لئے حیدرآباد کے نظامس انسٹی ٹیوٹ آف میڈیکل سائنسس(نمس)منتقل کیاگیاتاہم ڈاکٹرس نے اس کو ذہنی طورپر مردہ قراردیا۔
ڈاکٹرسورنا لتا صدرنشین جیون دان ٹرسٹ کے مشورہ کے بعد اس کے شوہر کومرئیا اور دیگر رشتہ داروں نے اس کے اعضا کے عطیہ کا فیصلہ کیا۔بعد ازاں ڈاکٹرس نے اس خاتون کے اعضا کو نکال کر ونٹی لیٹر پر رکھا۔اس خاتون کے گردہ، جگراوردو آنکھوں کو ڈاکٹرس نے نکال کر سات افراد کو لگایا جن کو ان اعضا کی ضرورت تھی۔ اس طرح اس خاتون کے اعضا سے دیگر سات افرادکی جان بچ پائی۔
