باپ نے ہتھوڑی سے دو بچوں کا قتل کردیا

مانڈیا: منڈیا ضلع کے سری رنگا پٹناٹاؤن میں ایک شخص نے اپنے دو بچوں کا ہتھوڑی سے قتل کردیا۔ مقتول بچوں کی شناخت چار سالہ آدرش اور تین سالہ امولیا کی حیثیت سے کی گئی۔ مرلاگالا کا ساکن ملزم سری کانت فی الحال فرار ہے۔ پولیس اس کی تلاش کررہی ہے۔

 ملزم نے بچوں پر ہتھوڑی سے متعدد وار کیے اور اپنی بیوی لکشمی پر بھی اس نے حملہ کیا۔ جرم کی اصل وجہ ابھی معلوم نہیں ہوئی اور پولیس اس کی بیوی سے معلومات حاصل کرنے کی کوشش کررہی ہے۔ یہ واردات جمعرات کی ابتدائی ساعتوں میں پیش آئی۔

ملزم کا تعلق کلبرگی ضلع کے جیورگی سے ہے اور مرلاگالا موضع کے ویروپکشا کے کھیت میں کام کرتا تھا۔ سری رنگا پٹنا دیہی پولیس نے کیس درج کرکے تحقیقات کا آغاز کردیا۔