آندھراپردیش میں بس اُلٹ گئی ، 19 مسافرین زخمی

حیدرآباد: آندھراپردیش کے ضلع سریکاکلم میں پیش آئے سڑک حادثہ میں 19مسافرین زخمی ہوگئے۔یہ حادثہ ضلع کے نرسم پیٹ میں اُس وقت پیش آیا جب آرٹی سی بس کے ڈرائیور نے اس کا توازن کھودیا اورسریکاکلم سے جانے والی بس قومی شاہراہ کے کومارتے جنکشن کے قریب الٹ گئی۔

اس حادثہ میں ڈرائیور اور کنڈکٹر سمیت 19مسافرین زخمی ہوگئے جن کو علاج کے لئے قریبی اسپتال منتقل کیاگیا۔اس حادثہ کے نتیجہ میں شاہراہ پر گاڑیوں کی آمدورفت متاثرہوئی۔