دفتر بلدیہ گجویل میں الٹا ترنگا لہرانے کا واقعہ

حیدرآباد: مجلس بلدیہ گجویل کے عہدیداروں اور م نتخب عوامی نمائندوں کی غفلت اس وقت سامنے آئی جبکہ جمعرات کے روز جشن آزادی کے موقع پر دفتر بلدیہ پر الٹا پرچم لہرایاگیا۔

یوم آزادی تقریب کے انتظامات بلدی عملہ نے دفتر میں انجام دیئے تھے۔ صدرنشین بلدیہ راج مولی گپتا نے ترنگا لہرایادیا۔

چند افراد نے اس بھیانک غلطی کو نوٹ کیا اور اعلیٰ عہدیداروں کو الرٹ کردیا۔

دریں اثنا بی جے پی قائدین نے گجویل پولیس اسٹیشن میں اس سلسلہ میں شکایت درج کرائی اور پولیس پر زوردیا کہ وہ قومی پرچم کی بے حرمتی کے تحت متعلقہ افراد کے خلاف کارروائی کریں۔