کانگریس میں شامل ہونے والے ایم ایل ایز کو لگا جھٹکا،فیصلہ پر روک لگانے سے ہائیکورٹ کا انکار

حیدرآباد: تلنگانہ ہائی کورٹ نے پارٹی سے انحراف کرنے والے ایم ایل ایز کو بڑا جھٹکا دیا ہے۔ ڈی ناگیندر، کڈیم سری ہری اور ٹی وینکٹ راو جیسے ایم ایل ایز کو اس وقت مشکل کا سامنا کرنا پڑا جب ہائی کورٹ کی ڈویژن بنچ نے ان کی نااہلی کے سنگل بنچ کے فیصلے پر روک لگانے سے انکار کر دیا۔

ڈویژن بنچ نے واضح کیا کہ سنگل بنچ کے فیصلے پر کوئی عبوری حکم نہیں دیا جا سکتا، اور اس کیس کی مکمل سماعت 24 تاریخ کو ہوگی۔ یاد رہے کہ سنگل بنچ نے 20 دن پہلے ان ایم ایل ایز کی نااہلی کا فیصلہ سنایا تھا، جسے اسمبلی کے سیکرٹری نے چیلنج کیا تھا۔

یہ ایم ایل ایز بی آر ایس سے جیت کر کانگریس میں شامل ہوئے تھے، جس کے بعد بی آر ایس نے انہیں نااہل قرار دینے کے لیے ہائی کورٹ میں درخواست دائر کی تھی۔