حالت نشہ میں ہراساں کرنے والے بیٹے کو ماں نے ہلاک کردیا

حیدرآباد: حالت نشہ میں ہراساں کرنے والے بیٹے کو ماں نے ہلاک کردیا۔یہ واقعہ تلنگانہ کے بھدراچلم میں پیش آیا۔

میڈیکل کالونی کے رہنے والے دُرگاپرساد کی بیوی اس کی روزانہ کی ہراسانی سے تنگ آکر اس سے علحدہ رہا کرتی ہے۔

پرساد شراب کا عادی تھا۔ بیوی کے چھوڑکر چلے جانے پر وہ ماں کو شراب پی کرہراساں کیاکرتاتھاجس پر تنگ آکرخاتون نے اپنے بیٹے کا قتل کردیااور اس کی لاش کو پٹرول ڈال کرآگ لگادی۔

پولیس نے اس سلسلہ میں ایک معاملہ درج کرکے جانچ شروع کردی۔