مدھیہ پردیش چیف منسٹر کو ٹھنڈی چائے پیش کرنے پر عہدیدارکو نوٹس

چھترپور: وزیر اعلی شیوراج سنگھ چوہان کو ٹھنڈی چائے پیش کرنے پر ضلع کے ایک جونیئر سپلائی افسر کو وجہ بتاؤ نوٹس جاری کیا گیا ہے، جو حال ہی میں مدھیہ پردیش کے ضلع چھترپور میں مختصر قیام پر گئے تھے۔

راج نگر سب ڈویژنل مجسٹریٹ کی طرف سے کل جاری کردہ اس نوٹس میں کہا گیا ہے کہ جونیئر سپلائی آفیسر راکیش کنہوا 9 جولائی کو اپنے قیام کے دوران وزیر اعلیٰ کو چائے اور ناشتہ پیش کرنے کے ذمہ دار تھے۔ اس دوران مسٹر چوہان کو دی گئی چائے کا معیار اچھا نہیں تھا اور انہیں ٹھنڈی چائے پیش کی گئی۔ نوٹس میں کہا گیا ہے کہ ذمہ دار افسر نے انتظامات کو ہلکے سے لیا۔ افسر سے تین دن میں جواب طلب کیا گیا ہے۔